Cheese & Wine/Alumni

Շրջանաւարտից՝
Cheese & Wine-ի Երեկոյ

Ազգ. Ե. Մանուկեան Քոլէճի Շրջանաւարտից Միութիւնը գեղեցիկ գաղափարը յղացաւ ի մի խմբելու տարիներու շրջանաւարտները, ինչպէս նաեւ այլ հիւրեր՝ Cheese & Wine-ի մտերմիկ սեղանի մը շուրջ։
Ձեռնարկը տեղի ունեցաւ Շաբաթ, 7 Մայսին վարժարանիս Սիրան Մանուկեան սրահին մէջ։
Շրջանաւարտից Միութեան կողմէ յառաջացուած  յատուկ յանձնախումբը շաբաթներ առաջ սկսած էր ծրագրելու երեկոն, որ առիթ պիտի ընծայէր տարիներէ ի վեր դպրոցի յարկէն հեռացած շրջանաւարտներուն վերադառնալու եւ տեսնելու իրենց դասընկերները։
Երեկոն ընթացաւ խանդավառ ու ջերմ մթնոլորտի մը մէջ։ Երեկոն աւելի խանդավառ դարձաւ, երբ սկսաւ Karaoke-ի բաժինը. շատեր մասնակցեցան եւ իրենց երգերով աւելի ջերմ դարձուցիին մթնոլորտը։
Ներկաները գոհ եւ ուրախ հեռացան սրահէն՝ վարչութեան ուսերուն  պարտք դնելով, որ յաճախակի դարձնէ նման առիթները։

 

 

Share on Facebook0Tweet about this on TwitterShare on Google+0

Categories: