ՇՐՋԱԲԵՐԱԿԱՆ ԹԻՒ 9
Յարգելի Ծնողք,
Ա) ԱՄԱՆՈՐԻ ԵՒ Ս. ԾՆՈՒՆԴԻ ԱՐՁԱԿՈՒՐԴ
Նոր Տարուան եւ Ս. Ծնունդի արձակուրդը կը սկսի Շաբաթ 25 Դեկտեմբերին եւ կ՛աւարտի Կիրակի՝ 9 Յունուարին։ Աշակերտները դպրոց կը վերադառնան Երկուշաբթի 10 Յունուար, 2011ին։
Բ) Ս. ՀԱՂՈՐԴՈՒԹԻՒՆ
- Մանկապարտէզի փոքրիկները, ինչպէս նաեւ Ժ- ԺԱ եւ ԺԲ կարգերու աշակերտները Ս. Հաղորդութիւն պիտի ստանան Հինգշաբթի 23 Դեկտեմբերին։ Անոնք առաւօտեան սովորականին նման դպրոց կու գան եւ կ՛ուղղուին Անթիլիասի մայրավանք։
- Ա – Թ դասարանի աշակերտները Ուրբաթ, 24 Դեկտեմբերին առաւօտեան 7։30ին ներկայ կ՛ըլլան Անթիլիասի մայրավանքը՝ հաղորդութիւն ստանալու համար։ Անձնական միջոցով ժամանողները, պարտին նկատի ունենալ այս պարագան։
Գ) ԱՄԱՆՈՐԻ ՏՕՆԱԿԱՏԱՐՈՒԹԻՒՆ
- Մանկապարտէզը Կաղանդ Պապան պիտի դիմաւորէ Հինգշաբթի, 23 Դեկտեմբերին։
- ժ – ԺԱ – ԺԲ կարգերու աշակերտները Ամանորի խրախճանք պիտի ունենան Հինգշաբթի, 23 Դեկտեմբերի երեկոյեան ժամը 7։30- 11։30 «Սիրան Մանուկեան» սրահէն ներս։
- Ա – Թ կարգերու աշակերտները Ամանորի տօնախմբութիւնները պիտի ունենան Ուրբաթ 24 Դեկտեմբերի առաւօտեան։ Այդ օր անոնք դպրոց կու գան առանց գիրքի ու պայուսակի։
Ուրբաթ, 24 Դեկտեմբերին, աշակերտները կ՛արձակուին ժամը 11։00ին։
Դ) «ԱՐԵՒՆԵՐ»ՈՒ ՄԱՆԿԱՊԱՏԱՆԵԿԱՆ ԵՐԳՉԱԽՈՒՄԲ
Համազգայինի Գեղարուեստական դպրոցներու խնամակալութիւնը Հայաստանէն հրաւիրած է «Արեւներ» մանկապատանեկան երգչախումբը, որ ելոյթ պիտի ունենայ Շաբաթ, 25 Դեկտեմբերի երեկոյեան ժամը 8։00ին «Յ. Պօղոսեան» թատերասրահին մէջ։ Ելոյթին պիտի մասնակցին նաեւ «Գայիանէ» պարի դպրոցը ու «Կարկաչ» երգչախումբը։
Տոմսերուն սակը 7500 լ.ո. է։ Փափաքողները կրնան դիմել Օրդ. Սոնա Հինոյեանին մինչեւ Չորեքշաբթի, 21 Դեկտեմբերին։
17 Դեկտեմբեր, 2010 Յարգանքներով՝
Տնօրէնութիւն