Մայիս 28
Հայաստանի Ա. անկախութեան տօնին առիթով՝ Հինգշաբթի, 24 Մայիսի առաւօտեան, դրօշակի արարողութիւն տեղի ունեցաւ վարժարանին շրջափակէն ներս։ Արդարեւ, վարժարանին Հ.Մ.Ը.Մ.ական սկաուտները՝ իրենց տարազներով, իրենց մնացեալ դասընկերներուն դիմաց բարձրացուցին Եռագոյնը։
Աւելի ուշ, բոլոր աշակերտները հաւաքուեցան սրահ, ուր գեղարուեստական յայտագիր մը գործադրուեցաւ։ Վարժարանի շրջաանւարտ Աշոտ Բագրատունի փոխանցեց օրուան պատգամը։ Ապա, բեմ հրաւիրուեցաւ ազգային-յեղափոխական երգերու մեկնաբան Սերոբ Յակոբեան, որ աւելի քան մէկ ժամ երգելով խանդավառեց աշակերտները։