Արտասանական Մրցում
Ազգային Վարչութեան Ուսումնական Խորհուրդին կազմակերպութեամբ՝ Ուրբաթ, 27 Ապրիլին, Ազգ. Լ. եւ Ս. Յակոբեան վարժարանի սրահէն ներս տեղի ունեցաւ արտասաանկան մրցում մը ազգային վարժարաններու միջնակարգի եւ երկրորդականի աշակերտներուն համար։
Մեր վարժարանէն միջնակարգի բաժանումը կը ներկայացնէր Ը. դասարանի աշակերտ Աւօ Մարտիրոսեան, իսկ երկրորդականը՝ ԺԱ. դասարանէն Նայիրի Սասունեան։
Իւրաքանչիւր բաժանումի աշակերտ ներկայացուց նախ ճշդուած պարտադիր կտորը, ապա՝ արտասանեց ազատ կտոր մը։
Երկրորդականէն Նայիրի Սասունեան հանդիսացաւ երրորդ, իսկ միջնակարգէն Աւօ Մարտիրոսեան՝ երկրորդ։